Brokerler KASE naryǵynda saýda jasaı alady

ALMATY. QazAqparat - KASE-de brokerlik uıymdarǵa shetel valıýtalaryn satyp alýǵa ruqsat etilgen. Bul týraly Qazaqstan qarjy bırjasynyń bıylǵy birinshi jartyjyldyqtaǵy esebinde aıtyldy, dep habarlaıdy QazAqparat tilshisi.

«Biz brokerlerge valıýta naryǵyna qatysý quqyǵyn berdik. Buǵan deıin tek bankter qatysqan bolatyn. Olar Ulttyq bankten aıyrbastaý operatsııalaryna lıtsenzııa alǵan soń bırjaǵa qatysa alady. Brokerler tutynýshy atynan saýdalasýǵa ruqsat etiledi. Banknottyq məmile jeke tulǵalar úshin 100 dollardan aspaýy kerek»,-dedi «Qazaqstandyq qor bırjasy» AQ basqarma tóraıymy Alına Aldambergen.

Qazaqstandyq bırja tóraıymynyń aıtýynsha,  valıýtalyq operatsııalar úshin lımıttiń ósimi banknottyq məmile nətıjesine baılanysty. Qazirgi tańda lımıt məselesi qarastyrylmaǵan.

 Qazaqstandyq bırja tóraǵasynyń orynbasary Andreı Tsalıýktiń sózine qaraǵanda,  2018 jyldyń birinshi jartysyndaǵy saýda kólemi 2,3 esege ósip, 1475,3 mlrd teńgege jetken. Bul kórsetkish ótken jylmen salystyrǵanda 13,1 %-ǵa joǵary.