Birinshi Túrkologııa quryltaıynyń 100 jyldyǵy: Bakýde Túrki álemi aptalyǵy ashyldy
ASTANA. KAZINFORM – Ázerbaıjan astanasynda Birinshi Túrkologııa quryltaıynyń 100 jyldyǵyna arnalǵan Túrki álemi aptalyǵynyń saltanatty ashylý rásimi ótti, dep habarlaıdy QR Mádenıet jáne aqparat mınıstrliginiń baspasóz qyzmeti.
Іs-sharaǵa oraı, Qazaqstan Respýblıkasynyń Prezıdenti Qasym-Jomart Toqaev qatysýshylarǵa quttyqtaý hatyn joldady. Memleket basshysynyń quttyqtaýyn Prezıdent keńesshisi Málik Otarbaev oqyp berdi.
Buǵan deıin Túrki memleketteri uıymyna múshe elder basshylarynyń XII sammıtinde Memleket basshysy Túrki memleketteri uıymynyń búginde baýyrlas elderdiń yntymaqtastyǵyn nyǵaıtatyn biregeı alań ekenin atap ótken bolatyn.
Baǵdarlamanyń alǵashqy kúni «Túrki álemi – bir otbasy: ortaq maqsat jolyndaǵy túrki yntymaqtastyǵy halyqaralyq uıymdarynyń qyzmeti» taqyrybyndaǵy plenarlyq otyrys ótti. Sondaı-aq «І Túrkologııa quryltaıyna – 100 jyl (1926-2026)» estelik belgisin tapsyrý rásimi jáne taqyryptyq paneldik otyrystar uıymdastyryldy.
Іs-sharaǵa túrki memleketterimen qatar, álemniń 20 elindegi ǵylymı ortalyqtardan kelgen 80-ge jýyq belgili túrkolog ǵalym, sondaı-aq túrki yntymaqtastyǵy baǵytyndaǵy halyqaralyq uıymdardyń ókilderi qatysty. Olardyń qatarynda Qazaqstan delegatsııasy da boldy.
Túrki álemi aptalyǵy 3 shildege deıin jalǵasady.
Osyǵan deıin Ándijannyń Túrki áleminiń mádenı astanasy mártebesin alǵany týraly jazdyq.
