Birinshi synypqa qujat qabyldaý merzimi bekitildi
ASTANA. KAZINFORM — Oqý-aǵartý mınıstrligi 2026–2027 oqý jylyna arnalǵan birinshi synypqa qujat qabyldaýdy kezeń-kezeńimen uıymdastyrý kestesin bekitti.
Qujat qabyldaý 2026 jylǵy 27 mamyr men 31 tamyz aralyǵynda júrgiziledi. Bul tásil aqparattyq júıelerge túsetin júktemeni azaıtyp, ata-analar úshin ótinish berý protsesin barynsha yńǵaıly uıymdastyrýǵa múmkindik beredi.
Qujattardy elektrondyq úkimet portalynda tirkelý arqyly OQU platformasy arqyly onlaın formatta, sondaı-aq bilim berý uıymdaryna tikeleı júginý arqyly tapsyrýǵa bolady.
Óńirler boıynsha qabyldaý merzimderi tómendegideı:
27 mamyr – 31 tamyz:
Astana qalasy, Abaı, Jetisý, Qyzylorda jáne Batys Qazaqstan oblystary.
10 maýsym – 31 tamyz:
Almaty qalasy, Aqmola, Aqtóbe, Jambyl jáne Shyǵys Qazaqstan oblystary.
18 maýsym – 31 tamyz:
Shymkent qalasy, Almaty, Qostanaı, Pavlodar jáne Atyraý oblystary.
29 maýsym – 31 tamyz:
Túrkistan, Mańǵystaý, Qaraǵandy, Soltústik Qazaqstan oblystary jáne Ulytaý oblysy.
Aıta ketelik Keleshek mektepterinde «12 aıda 12 kitap» jobasy bastalatyny týraly jazǵan edik.
