Birinshi synypqa qujat 31 tamyzǵa deıin qabyldanady

ASTANA. KAZINFORM -  Bıyl birinshi synypqa ótinish qabyldaý 1 sáýirde bastalyp, 2024 jyldyń 31 tamyzyna deıin jalǵasady, dep habarlady QR Oqý-aǵartý mınıstrliginiń baspasóz qyzmeti.

Ata-analar balanyń qujattaryn elektrondyq úkimettiń egov.kz. veb-portaly arqyly tapsyra alady. Jańa oqý jylynda birinshi synypqa 370 myńnan astam bala barady dep josparlanǵan.

«Qazaqstan Respýblıkasynyń keıbir zańnamalyq aktilerine bilim berý, tálimgerlik jáne balalardyń qaýipsizdigi máseleleri jónindegi Zańyna sáıkes lıtseıler men gımnazııalarǵa birinshi synypqa qabyldaý kezinde emtıhan ótkizýge tyıym salatyn ereje engizildi. Barlyq balalar, daıyndyq deńgeıine qaramastan, teń múmkindikterge ıe bolady. Bul bastama testileý men áńgimelesýge baılanysty birinshi synyp oqýshylaryndaǵy psıhologııalyq qysymdy azaıtýǵa baǵyttalǵan», - dep atap ótti orta bilim komıtetiniń basqarma basshysy Álııa Chokýsheva.

Balalar birinshi synypqa alty jastan bastap ata - anasy nemese zańdy ókiliniń ótinishi negizinde qabyldanady. Ótinishpen birge №065ý formasyndaǵy densaýlyq jaǵdaıy týraly anyqtama, 026/ý-3 balanyń densaýlyq pasporty jáne balanyń eki dana 3h4 fotosýreti bolý kerek. Ótinish demalys jáne mereke kúnderdi qospaǵanda, dúısenbiden jumaǵa deıin qabyldanady.