Birinshi synypqa baratyndardyń barlyǵy mektepke qabyldandy- mınıstrlik
ASTANA. KAZINFORM – Oqý-aǵartý birinshi vıtse-mınıstri Shynar Aqparova mektep tabaldyryǵyn alǵash attaıtyn oqýshylardy qabyldaýǵa qatysty túsinik berdi.
Búgin Úkimet otyrysynan keıingi baspasóz máslıhatynda Astanadaǵy mektepterde birinshi synyp balalaryna qatysty oryn tapshylyǵy jóninde suraq qoıyldy.
Óz kezeginde Shynar Aqparova bıyl qujattardy qabyldaý platforma arqyly iske asqanyn aıtty. Bastapqyda tehnıkalyq máseleler anyqtalyp, keıinnen onyń bári retteldi.
- Bıyl elimiz boıynsha 1-synypqa 380 myńnan astam balany qabyldaý josparlanǵan. Ótinimdi qabyldaý 31 tamyzǵa deıin jalǵasady. Sondyqtan barlyq oqýshy birinshi synypqa qabyldanady, - dedi vıtse-mınıstr.
Buǵan deıin habarlanǵandaı, bıyl alǵash ret QazTech platformasynda Biryńǵaı «OQU» platformasy aıasynda «1-synypqa qabyldaý» kezeń-kezeńimen iske qosyldy.
