Birinshi shaqyrylymdaǵy Quryltaı: Prezıdent birinshi sessııasyn ashty
ASTANA. KAZINFORM — Búgin Astanada Memleket basshysy Qasym-Jomart Toqaevtyń qatysýymen birinshi shaqyrylymdaǵy QR Quryltaıynyń birinshi sessııasy ashyldy.
Atap aıtqanda, jaqyda Ortalyq saılaý komıssııasynda 2026 jylǵy 23 tamyzda ótken Qazaqstan Respýblıkasy Quryltaıynyń depýtattaryn saılaýdyń qorytyndylary jarııalandy.
Bıýlletenderdi sanaý qorytyndysy boıynsha saılaýshylardyń daýystary tómendegideı bólindi:
- «Ádilet» partııasy — 6 528 948 daýys nemese 71,17%;
- Jalpyulttyq sotsıal-demokratııalyq partııa — 469 058 daýys nemese 5,11%;
- Qazaqstannyń «Baıtaq» jasyldar partııasy — 97 751 daýys nemese 1,07%;
- Qazaqstan Halyq partııasy — 285 395 daýys nemese 3,11%;
- «Aýyl» partııasy — 574 621 daýys nemese 6,26%;
- «Aq jol» Qazaqstannyń demokratııalyq partııasy — 478 083 daýys nemese 5,21%;
- «Respublica» partııasy — 509 631 daýys nemese 5,56%;
- «Bárine qarsymyn» — 230 446 daýys nemese 2,51%.
Bul rette, saılaý zańnamasynyń talaptaryna sáıkes saılaýshylardyń 5 jáne odan da kóp paıyz daýysyn jınaǵan bes saıası partııa arasynda depýtattyq mandattar aıqyndaldy. Osyǵan baılanysty Qazaqstan Respýblıkasy Quryltaıy depýtattarynyń 145 mandaty tómendegideı bólindi:
- «Ádilet» partııasy — 110 mandat;
- Jalpyulttyq sotsıal-demokratııalyq partııa — 8 mandat;
- «Aýyl» partııasy — 10 mandat;
- «Aq jol» Qazaqstannyń demokratııalyq partııasy — 8 mandat;
- «Respublica» partııasy — 9 mandat.
Eske salsaq, 26 tamyz kúni «Aq jol» Demokratııalyq partııasy Quryltaı depýtattarynyń 8 mandatyn, «Aýyl» partııasy depýtattyq mandattaryn ıelenetin 10 kandıdattyń tizimin, Respublica partııasy 9 kandıdattyń esimin, Jalpyulttyq sotsıal-demokratııalyq partııasy Quryltaıdyń jańa quramynda jumys isteıtin segiz ókiliniń tizimi, sondaı-aq 27 tamyzda «Ádilet» partııasy depýtattyq mandatqa ıe bolǵan 110 kandıdattyń tizimin jarııalady.
