Birinshi Qoja Ahmet Yasaui ordeni Túrkııa Prezıdentine tabystalady
ASTANA. KAZINFORM – Birinshi «Qoja Ahmet Yasaui» ordeni Túrkııa Prezıdenti Rejep Taııp Erdoǵanǵa tabystalady. Bul týraly Táýelsizdik saraıynda ótip jatqan Qazaqstan men Túrkııa arasyndaǵy Joǵary deńgeıdegi strategııalyq yntymaqtastyq keńesiniń 6-otyrysynda Memleket basshysy Qasym-Jomart Toqaev aıtty.
- Siz ekijaqty yntymaqtastyǵymyzdy nyǵaıtýǵa árdaıym zor úles qosyp kelesiz. Sondaı-aq Qazaqstan men Túrkııa arasyndaǵy qoǵamdyq-saıası, áleýmettik jáne mádenı-gýmanıtarlyq saladaǵy yntymaqtastyqty damytýǵa zor eńbek sińirip júrsiz. Muny qazaq halqy joǵary baǵalaıdy. Men bıyl kıeli Túrkistan jerinde ulystyń uly kúni Naýryz merekesinde kúlli túrkiniń rýhanı temirqazyǵy Qoja Ahmet ıAssaýı atyndaǵy arnaıy marapatty taǵaıyndaý jóninde sheshim qabyldadym. Osyǵan oraı tıisti zańǵa ózgeris engizildi, - dedi Prezıdent.
Memleket basshysy arnaıy Jarlyqqa qol qoıylǵanyn atap ótti.
- Qurmetti Rejep Taııp Erdoǵan myrza búgin mine qazaq-túrik yntymaǵy jarasqan tarıhı kúnde osy mártebeli nagradany eń alǵash ret Sizge tabystaıyn dep otyrmyz. Búgin arnaıy rásim ótkizemiz. Bul qazaq eliniń ózińizge degen shynaıy yqylasy, qurmeti jáne ózara baýyrlastyǵymyzdyń jarqyn kórinisi bolmaq, - dedi Qasym-Jomart Toqaev.
Buǵan deıin Memleket basshysy Qasym-Jomart Toqaev elimizge memlekettik saparmen kelgen Túrkııa Prezıdenti Rejep Taııp Erdoǵandy Táýelsizdik saraıynda resmı qarsy alǵan edi.
Aıta keteıik, otyrys barysynda Qazaqstan Prezıdent qazirgi tańda qazaq-túrik ekijaqty qarym-qatynasy keńeıtilgen strategııalyq seriktestik rýhynda qarqyndy damyp jatqanyn, elderimizdiń arasynda eshqandaı túıtkil joq ekenin basa aıtty.
