Birinshi lıganyń úzdik bombardıri «Taraz» namysyn qorǵaıdy

ASTANA. KAZINFORM — Jasulan Moldaqaraev «Taraz» fýtbol klýbymen kelisimshartqa otyrdy, dep habarlaıdy klýbtyń baspasóz qyzmeti.

Jasulan Moldaqaraev bıylǵy maýsymda «Taraz» namysyn qorǵaıdy. Shabýyl shebinde óner kórsetetin fýtbolshy 2024 jyly birinshi lıganyń úzdik surmergeni (25 matchta 19 gol) atanǵan Qyzylorda fýtbolynyń túlegi ár jyldary «Oqjetpes», «Tobyl», «Ordabasy» klýbtarynda oınady.

Byltyr «Ulytaý» sapynda 21 kezdesýge qatysqan oıynshy ulttyq quramada birneshe match ótkizgen.

2013 jyly Birinshi lıga chempıony ári bombardır (28 gol) boldy.

Jalpy Qazaqstan premer lıgasynda 300-den asa resmı matchta alańǵa shyqty.

Budan buryn Azız Anarmetov «Taraz» jastar komandasynyń bas bapkeri atanǵanyn jazǵan edik.