Birinshi lıgada «Jaıyq» syrt alańda «Turanmen» teń oınady
ASTANA. KAZINFORM — Fýtboldan birinshi lıga komandalary arasynda Qazaqstan chempıonatynyń 12-týrynda «Turan» (Túrkistan) óz alańynda Oraldyń «Jaıyǵyn» qabyldady.
Túrkistandyqtar kósh bastaýshylardyń biri bolsa, oraldyqtar ortańǵy tusta edi.
Batysqazaqstandyqtar oıyndy sátti bastap, 7-mınýtta Álimjan Jýrasov esep ashty. Birinshi taım sońynda qosymsha 4-mınýtta Álıhan Israılov esepti 2:0-ge jetkizdi.
Ekinshi taımda tóreshi qonaqtardyń qaqpasyna eki ret 11 metrlik aıyp dobyn belgiledi. Ony Mıras Turlybek dál oryndady. Qorytyndy esep — 2:2.
Túrkistandyqtar 12 týrdan keıin 25 upaımen úzdik úshtikti túıindep tur. «Qaırat jastary» 32 upaımen kósh bastasa, Qaraǵandynyń «Shahteri» (31 upaı) ekinshi satyda, al «Jaıyq» (16-upaı) 9-orynda keledi.
Oraldyqtar 9 shilde kúni óz alańynda «Tobyl jastaryn» qabyldaıdy.
Eske sala keteıik, budan buryn birinshi lıgada «Jaıyq» klýbynyń qatarynan úshinshi jeńisine qol jetkizgenin jazǵan edik.
