Birinshi lıgada «Jaıyq» óz alańynda «Tarazdy» tize búktirdi
ORAL. KAZINFORM — Birinshi lıga komandalary arasynda Qazaqstan chempıonatynyń 17-týrynda Oraldyń "Jaıyǵy» óz alańynda «Taraz» klýbyn qabyldady.
Munyń aldynda oraldyqtar Almatyda birinshi lıgada jeke-dara kósh bastap kele jatqan «Qaırat jastarymen» 2:2 esebimen teń oınaǵan edi.
Kezinde premer-lıgada óner kórsetken tarazdyqtar da joǵary orynnan úmitker komandalardyń biri edi.
Qos klýb buǵan deıin 23 upaımen týrnır kestesinde 6-7 oryndardy bólisip turǵan edi.
Birinshi taımda «Jaıyq» sapyndaǵy Hamza ıAkýdı 30 mınýtta aıyp alańyna kirmesten qonaqtardyń qaqpasyn dál kózdedi.
Ekinshi kezeńde Baýyrjan Baıtana bastaǵan tarazdyqtar kóbirek shabýyldap, tarazy basyn teńestirýge tyrysyp baqty. Biraq 86-mınýtta Artem Astahov matchtyń núktesin qoıdy – 2:0.
Kelesi týrda Vıacheslav Nevolnıkov jattyqtyratyn batysqazaqstandyqtar syrt alańda «Batyrmen» oınasa, «Taraz» qazirgi kezde úzdik úshtikti túıindep turǵan túrkistandyq «Turandy» qabyldaıdy.
Eske sala keteıik, budan buryn birinshi lıgada «Jaıyqtyń» syrt alańda «Turanmen» teń oınaǵanyn jazǵan edik.
