Birinshi lıga: «Jetisaı» úsh oıynnan keıin jeńiske jetti

ASTANA. KAZINFORM - Fýtboldan Birinshi lıga komandalary arasyndaǵy Qazaqstan birinshiliginiń XVІ týry máresine jetti.

19 shildede Túrkistan oblysynyń «Jetisaı» komandasy «Aqtóbe-2» klýbyn 2:1 esebimen jeńdi. 

Túrkistandyq komanda bıyl birinshi lıgaǵa qosylǵan edi. Soǵan qaramastan dop dodasyn sátti ótkizip keledi. Qazir úzdik úshtikte keledi. Dsee de sońǵy úsh týrda jeńistiń kiltin taba almaı, týrnır kestesindegi jaǵdaıyn birshama qıyndatyp alǵan edi. 

Sondaı-aq Túrkistan oblysynyń «Arysy» óz alańynda Shyǵys Qazaqstan oblysynyń «Altaıyna» 0:1 esebimen jol berdi. 

Aıta ketsek, 17 shildede Oraldyń «Aqjaıyǵy» elordalyq «SD Family» komandasyn 2:1 esebimen jeńse, aqtaýlyq «Kaspıı» «Oqjetpeske», «Taraz» almatylyq «Han Táńirine» 0:1 esebimen jol berdi. 

Al 18 shildede qyzylordalyq «Qaısar-2» óz alańynda «Túrkistandy», «Qaırat-2» «Ulytaýdy» 2:1 esebimen tize búktirdi.