Birinshi lıga: Taraz alǵashqy týrda iri jeńiske jetti

ASTANA. KAZINFORM — Fýtboldan Birinshi lıga komandalary arasyndaǵy Qazaqstan chempıonatynyń birinshi týry máresine jetti. 

Bul týrdyń ekinshi oıyn kúninde «Taraz» óz alańynda Pavlodar oblysynyń «Batyr» komandasyn qabyldady. Tarazdyq komanda bıyl Birinshi lıgada úzdik atanýdy aldyna maqsat etip otyr. Sondyqtan árbir kezdesýde jeńiske jetýdi qalaıdy. Komanda quramyna kóptegen tájirıbeli fýtbolshylar tartyldy. 

Kezdesý barysynda olardyń qatarynan Ersultan Tórequl 79, 90-mınýtta mergendik tanytsa, pavlodarlyq klýbtan Ilıa Demın, 78-mınýtta avtogol soǵyp aldy. 

Sondaı-aq búgin «Qaırat-J» (Almaty) men «Shahter» (Qaraǵandy) 0:0, «Astana-J» — «Aqtóbe-J» 2:2 esebimen teń oınady.

Bul týrda 2 sáýirde Shymkenttiń «Ońtústik Akademııa» túrkistandyq «Turandy» 2:1, Oraldyń «Jaıyǵy» Túrkistan oblysynyń «Arysyn» 1:0 esebimen jeńse, «Han táńiri» (Almaty) men «Kaspıı-J» (Aqtaý) 2:2, «Tobyl-J» (Qostanaı) men «Elimaı-J» (Semeı) 1:1 esebimen teń tústi.
Endi aldaǵy týr oıyndary 16 jáne 17 sáýir kúnderi ótkiziledi.

Aldymen 16 sáýirde «Kaspıı-J» men «Qaırat-J», «Jaıyq» pen «Astana-J», «Turan» men «Arys» oınasa, 17 sáýirde «Shahter» men «Batyr», «Aqtóbe-J» men «Taraz», «Elimaı-J» men «Han táńiri», «Ońtústik Akademııa» men «Tobyl-J» oınaıdy.