Birinshi lıga: «Shahter» qatarynan ekinshi ret jeńilip qaldy

ASTANA. KAZINFORM - Búgin fýtboldan Qazaqstan Birinshi lıgasynyń 13-týry máresine jetti.

Ekinshi oıyn kúni kósh basynda kele jatqan komandalar ózara kezdesti. 

Alǵashqy matchtyń birinde qaraǵandylyq «Shahter» men aqtaýlyq «Kaspıı» sheberlik baıqasty. Týrnır kestesinde bir-birimen qatarlas kele jatqan qos ujym úshin búgingi oıynda jeńiske jetý mańyzdy bolatyn. Bul joly «Kaspıı» qarsylasyn 3:2 esebimen tize búktirdi. Nátıjesinde aqtaýlyq klýb týrnır kestesinde 34 upaımen jeke-dara kósh bastady. Esesine ekinshi oıyn qatarynan jeńilistiń aşy dámin tatqan qaraǵandylyq komanda jaǵdaıyn birshama qıyndatyp aldy.

Al pavlodarlyq «Ertis» óz alańynda Óskemenniń «Altaıyna» 1:2 esebimen jol berdi. Sondaı-aq almatylyq «Qaırat-2» komandasy «Túrkistandy» 6:1 esebimen tize búktirse, Túrkistan oblysynyń «Jetisaıy» shymkenttik «Akademııa Ońtústik» klýbyna 0:2 esebimen jeńilip qaldy.

Alǵashqy oıyn kúni, ıaǵnı 10 shildede «Aqtóbe-2» óz alańynda astanalyq «SD Family» komandasyna 1:3 esebimen ese jiberse, Pavlodar oblysynyń «Ekibastuzy» almatylyq «Han táńirinen» 2:0,
almatylyq AKAS óz alańynda «Tarazdan» 3:1 esebimen basym tústi.