Birinshi lıga: «Kaspıı» óz alańynda «SD Family» komandasyn iri eseppen jeńdi

ASTANA. KAZINFORM – Búgin fýtboldan Birinshi lıganyń HIH týry máresine jetti.

Ekinshi oıyn kúni, 22 tamyzda aqtaýlyq «Kaspıı» elordalyq «SD Family» komandasyn qabyldady. Kezdesý barysynda aqtaýlyq komanda tizgindi tolyqtaı óz qolyna aldy. Nátıjesinde qarsylasynan 10:0 esebimen basym túsip, týrnır kestesinde 47 upaımen birinshi orynǵa kóterildi. 

Sondaı-aq bıyl Premer-lıgaǵa qaıta oralýdan úmitti sanalǵan qaraǵandylyq «Shahter» ala-qula oıynymen kózge túsip júr. Bul joly olar óz alańynda almatylyq «Qaırat-2» komandasymen 3:3 esebimen teń oınady. 

Al Túrkistan oblysynyń «Jetisaıy» Pavlodar oblysynnyń «Ekibastuzynan» 3:1, «Taraz» ben «Han táńiri» 2:1 esebimen basym túsedi.

Al 21 tamyzda pavlodarlyq «Ertis» syrt alańda Shymkenttiń «Akademııa Ońtústik» klýbynan 1:0 esebimen basym tússe, almatylyq AKAS óz alańynda «Aqtóbe-2» klýbyn 4:0 esebimen jeńdi.

Al «Altaı» (Óskemen) men «Túrkistan» arasyndaǵy kezdesý ótken joq. Kezdesýge túrkistandyq klýb kelmeı qalǵan.

Qazaqstan fýtbol federatsııasynyń habarlaýynsha, atalǵan matchqa qatysty sheshim federatsııanyń baqylaý-tártiptik komıtetiniń aldaǵy otyrysynda qabyldanady.

Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi.