Birinshi lıga: «Kaspıı» komandasy qatarynan úshinshi márte jeńiske jetti

ASTANA. KAZINFORM - Fýtboldan Birinshi lıga komandalary arasyndaǵy Qazaqstan chempıonatynda aqtaýlyq «Kaspıı» qatarynan úsh oıynda jeńiske jetti. 

Úshinshi týrda óz alańynda aqtaýlyq klýb «Ońtústik akademııa» komandasyn qabyldady. 

Oıynnyń birinshi bóliginde qarsylastar bir-biriniń qaqpasynan sańylaý taba alǵan joq. Ekinshi taımda «Kaspııdiń» belsendiligi baıqaldy. Aldymen Jaqyp Qojamberdi 47-mınýtta mergendik tanytsa, 63-mınýtta Baýyrjan Baıtana esepti ústemeleı tústi. Al 73-mınýtta Erkebulan Nurǵalıev kózdegen nysanadan múlt ketken joq. Kezdesýdiń 83-mınýtynda «Ońtústik akademııa» komandasynyń sapynan Sanjar Álqaıdarov bir golmen jaýap qatty. 

Osylaısha «Kaspıı» qarsylasyn 3:1 esebimen qapy qaldyryp, týrnır kestesinde 9 upaımen kósh basyna shyqty. Olar budan buryn AKAS (3:1), «Jetisaı» (1:0) komandalaryn jeńgen edi. 

Sondaı-aq búgin «Ekibastuz» (Pavlodar oblysy) ben «Aqtóbe-2» 3:3 esebimen teń oınasa, «Túrkistan» óz alańynda Túrkistan oblysynyń «Jetisaıyna» 0:1 esebimen jol berdi. Taǵy bir kezdesýde astanalyq «SD Family» almatylyq AKAS klýbynan 1:0 esebimen basym tústi.

Endi 25 sáýirde «Taraz» ben «Altaı» (Óskemen), «Han táńiri» (Almaty) men «Shahter» (Qaraǵandy), «Ertis» (Pavlodar) pen «Qaırat-2» (Almaty) oınaıdy.