Birinshi arna kýbogi: Qazaqstan hokkeıshileri reseılik quramamen kezdesedi

Shaıbaly hokkeıden Qazaqstan quramasy búgin Birinshi arna kýbogindegi sońǵy oıynyn Reseı 25 quramasyna qarsy ótkizedi, dep habarlaıdy Kazinform.

Reseıdiń Sankt-Peterbýrg qalasynda 14-17 jeltoqsan aralyǵynda Birinshi arna kýbogi týrnıri ótkizilýde.

Qazaqstandyq hokkeıshiler qazirge deıin Belarýske 2:6 esebimen jeńilse, odan keıin Reseıdiń VHL juldyzdary quramasyn 3:1 esebimen tize búktirdi.

Atalǵan týrnırde ulttyq qurama kapıtany mindetin Nıkıta Mıhaılıs atqarýda. Oǵan Ádil Beketaev pen Samat Danııar kómekshilik jasaıdy.

Elimizdiń ulttyq quramasynyń bas bapkeri Ǵalym Mámbetálıev týrnırge 28 hokkeıshini alyp bardy. Olardyń qatarynda 3 qaqpashy, 25 oıynshy bar.

Olardyń negizgi bóligin elordalyq «Barys» komandasynyń oıynshylary quraıdy.

Sondaı-aq, reseılik klýbtardan Valerıı Orehov, Nıkıta Mıhaılıs, Maksım Mýhametov (barlyǵy – «Metallýrg», Reseı), Kırıll Panıýkov («Amýr», Reseı) keldi.