Birinshi AES tolyǵymen ulttyq baqylaýda bolady

ASTANA. KAZINFORM – Rosatom salatyn birinshi AES tolyqtaı ulttyq baqylaýda bolady. Bul týraly Atom energetıkasy jónindegi agenttikten málim etti.

— Bul tolyǵymen ulttyq baqylaýǵa alynatyn birinshi qazaqstandyq AES bolady. Seriktes tańdaý táýeldilikti bildirmeıdi. Qazaqstan atom energetıkasynda ózindik quziretin damytyp jatyr. Elimiz ýran óndiririsi boıynsha álemde birinshi orynda tur. ıAdrolyq otyn óndiredi. Ulttyq kadrlardy belsendi daıyndaý, ınfraqurylym quryp jatyr, — dedi agenttikten BAQ ókilderiniń saýalyna oraı.

Jobany júzege asyrý halyqaralyq konsortsıýmnyń qatysýyn kózdeıdi. Bul tehnologııalyq turaqtylyqty qamtamasyz etip, bir jetkizýshige táýeldilik táýekelin tómendetedi. 

— Bul rette barlyq negizgi sheshim Qazaqstannyń múddesi men qaýipsizdigin basymdyqqa ala otyryp, ulttyq deńgeıde qabyldanady. Iesi, operatory, barlyq tehnologııalyq sheshimderge jaýap berýshi, paıdalanýshy uıym Qazaqstan taraby bolady, — dedi vedomstvodan.

Buǵan deıin «Rosatom» kompanııasy Qazaqstandaǵy alǵashqy atom elektr stantsııasyn salý jobasy boıynsha halyqaralyq konsortsıýmnyń kóshbasshysy retinde anyqtalǵanyn jazǵan edik. 
Sonymen qatar Atom energetıkasy jónindegi agenttik tóraǵasy Almasadam Sátqalıev Qazaqstandaǵy taǵy bir AES-ti qytaılyq vender salatynyn málim etti.

AES-ten óndiriletin elektr energııasynyń quny JEO men JES-ten alynatyn elektr energııasyna qaraǵanda joǵary bolady.