Birinshi AES-ke bilikti kadrlar daıyndaý qarqyndy júrgizilip jatyr

ASTANA. KAZINFORM — Elimizde salynatyn birinshi atom elektr stansasyna bilikti kadrlar daıyndaý qarqyndy júrgizilip jatyr. Bul jaıynda Atom energııasy jónindegi agenttikten málim etti. 

Бірінші АЭС-ке білікті кадрлар дайындау қарқынды жүргізіліп жатыр
Фото: Әлихан Асқар/Kazinform

— Konsortsıým kóshbasshynyń mindetine qyzmet kórsetýshi personaldardy daıyndaý kiredi. AES paıdalaný úshin shamamen 2 000 adam, onyń ishinde ıadrolyq mamandyq boıynsha 400 adam qajet. Al qalǵandary — bizde jumys istep turǵan kómir jáne gaz elektr stansalarynda eńbek etetin beıindi-tehnıkalyq mamandar. ıAdrolyq mamandyqtar boıynsha qyzmetkerlerdi daıyndaýǵa keler bolsaq, qazirgi ýaqytta fızıkamen, energetıka jáne elektrtehnıkasymen baılanysty 18 bilim baǵdarlamasy boıynsha bilikti kadrlardy daıyndaý qarqyndy júrgizilip jatyr, — dedi agenttikten.

Vedomstvo málimetinshe, otandyq D. Serikbaev atyndaǵy Shyǵys Qazaqstan tehnıkalyq ýnıversıtetinde, L.Gýmılev atyndaǵy Eýrazııa ulttyq ýnıversıtetinde, Ál-Farabı atyndaǵy Qazaq ulttyq ýnıversıtetinde, sonymen qatar ıadrolyq tehnologııa mamandanǵan sheteldik jetekshi JOO-larda mamandar daıarlaý qolǵa alynǵan. ıAdrolyq mamandyqtar boıynsha bilim granttar sanyn arttyrý qajettilikke qaraı júzege asyrylady. Sonymen qatar bilim alyp jatqan jas mamandar jumys istep turǵan AES-terde tájirıbe jınaqtap, taǵlymdamadan ótedi. 

Buǵan deıin Atom energııasy jónindegi agenttik pen «Rosatom» AES salý jónindegi jol kartasyn bekitti

Alǵashqy AES quny 14 mlrd dollar bolýy múmkin.


Сейчас читают