Birneshe jumysty qatar alyp júrýge tyıym salynýy múmkin be — mınıstr jaýaby
ASTANA. KAZINFORM — Qazaqstan azamattaryna 2-3 jerde jumys isteýge tyıym salyna ma? Bul saýalǵa Eńbek jáne halyqty áleýmettik qorǵaý mınıstri Svetlana Jaqypova jaýap berdi.
— Joq, árıne, tyıym salynbaıdy. Eńbek adamy árqashan baǵalanady, eger adam jumys isteýge tyryssa, oǵan eshqandaı shekteý qoıylmaıdy, — dep qysqa qaıyrdy Svetlana Jaqypova Prezıdenttiń Qazaqstan halqyna Joldaýynan keıin BAQ ókilderiniń saýalyna jaýap bere turyp.
Búgin Prezıdent Qazaqstan halqyna Joldaýynda jumysshy mamandyqtaryna qurmetti arttyrý negizgi mindettiń biri ekenin aıtqan bolatyn.
Aıta keteıik, halyqty jumyspen qamtý baǵytynda aýdan jáne qala ákimderiniń KPI júıesi engiziledi.
Sondaı-aq elimizde qaı salada jumys tabý ońaı nemese qıyn ekenin jazǵan edik.
