Birneshe respýblıkalyq jolda kólik qozǵalysyna shekteý qoıylady

ASTANA. KAZINFORM — «QazAvtoJol» UK baspasóz qyzmeti uzaq jolǵa shyǵýdy josparlaǵan kólik júrgizýshilerine eskertý jasady. Sebebi saǵat 20:00–den keıin respýblıkalyq mańyzy bar birneshe jol jabylady.

Aýa raıynyń buzylýyna baılanysty kelesi respýblıkalyq avtojoldarda kólik qozǵalysyna shekteý qoıý josparlanýda: 

— 2024 jylǵy 9 qarashada saǵat 20:00–de Aqmola oblysynda respýblıkalyq mańyzy bar «Astana-Ereımenteý-Shıderti» avtojolynyń 16-200 shaqyrym aralyǵynda (Astana qalasynan Pavlodar oblysynyń shekarasyna deıin) kóliktiń barlyq túriniń qozǵalysyna;

— 2024 jylǵy 9 qarashada saǵat 20:00–de Pavlodar oblysynda respýblıkalyq mańyzy bar «Astana-Ereımenteý-Shıderti» avtojolynyń 200-254 shaqyrym aralyǵynda (Aqmola oblysynyń shekarasynan Shıderti aýylyna deıin) kóliktiń barlyq túriniń qozǵalysyna;

— 2024 jylǵy 9 qarashada saǵat 20:00–de Aqmola oblysynda respýblıkalyq mańyzy bar «RF shekarasy (Ekaterınbýrgke) — Almaty» avtojolynyń 1292-1353 shaqyrym aralyǵynda (Jibek Joly tólemaqy alý pýnktinen Qaraǵandy oblysynyń shekarasyna deıin) kóliktiń barlyq túriniń qozǵalysyna;

— 2024 jylǵy 9 qarashada saǵat 20:00–de Qaraǵandy oblysynda:

1. «RF shekarasy (Ekaterınbýrgke) — Almaty» avtojolynyń 1353-1426 shaqyrym aralyǵynda (Aqmola oblysynyń shekarasynan Temirtaý tólemaqy alý pýnktine deıin) kóliktiń barlyq túriniń qozǵalysyna;

2. «RF shekarasy (Ekaterınbýrgke) — Almaty» avtojolynyń 1426-1446 shaqyrym aralyǵynda (Temirtaý tólemaqy alý pýnktinen Temirtaý qalasyna deıin) kóliktiń barlyq túriniń qozǵalysyna.

Buǵan deıin Astanadan Şýchınsk qalasyna deıin jol jabylatyny habarlanǵan bolatyn.