Birneshe páteri bar qazaqstandyqtar «sán-saltanat» salyǵyn qalaı tóleıdi

ASTANA. KAZINFORM – Ulttyq ekonomıka mınıstri Azamat Ámrın Májilistegi jańa Salyq kodeksiniń jobasyn talqylaýdan keıin birneshe páteri bar otandastarymyzǵa salyqtyń qalaı esepteletindigin túsindirdi.

Onyń sózine qaraǵanda, «sán-saltanat» salyǵy jıyntyq quny 450 mln teńge bolatyn jyljymaıtyn múlik ıelerine qatysty bolmaq. Mundaı múlik ıeleri úshin salyq salý mejesi boıynsha mólsherleme 2 paıyzdy quraıdy.

«Biz esepteý júrgizgen kezde 450 mln teńge shamamen mıllıon dollar boldy. Bul qazirgi mejeniń eń joǵary shegi. Mólsherleme qun men páter sanyna baılanysty. Máselen, 15 mln teńge bolsa, onda mólsherleme – 0,1 paıyz. ıAǵnı, quny boıynsha shamamen 1 500 teńge bolady. Eger mundaı 100 páter bolsa, onda bul 450 mln teńgeden kóp. Demek, mólsherleme 2 paıyz bolady. Árbir jekelegen jaǵdaı derbes qaralady», - dedi ol.

Vıtse-mınıstrdiń atap ótýinshe, qazirgi Salyq kodeksi kezinde birneshe ondaǵan páteri bar azamattar ár múlkine jeke-jeke salyq tólep keldi. Al jańa Salyq kodeksi qabyldanǵan jaǵdaıda olarǵa salyqty kóp tóleýge týra keledi.