Birneshe el turǵyndary aspanda jarqyraǵan nysandardy baıqady: ǵalymdar ne deıdi

ASTANA. KAZINFORM – Reseı Ǵylym akademııasy Qoldanbaly astronomııa ınstıtýtynyń Kún astronomııasy zerthanasynda mamandar 25-inen 26 tamyzǵa qaraǵan túni birneshe eldiń turǵyndary baıqaǵan jarqyraǵan nysandardyń ne ekenin túsindirdi.

Ǵalymdardyń aıtýynsha, nysan Qytaıdyń «Chanchjen-8» orbıtalyq zymyranynyń otyndy tastaýynan paıda bolǵan. Atalǵan zymyran bir kún buryn tómen orbıtalyq baılanys spýtnıkterin ǵaryshqa shyǵarǵan.

Ol Venchan (Wenchang) ǵarysh aılaǵynan ushyryldy.

Mamandardyń túsindirýinshe, aspandaǵy iz zymyran janarmaıynyń tastalýynan keıin onyń bólshekteriniń qatyp, krıstaldanýynan jáne Kún sáýlesin shaǵylystyrýynan paıda bolǵan.

Baqylaý kún batqannan keıin birden júrgizilgen. Іz Ýkraına, Chehııa, Germanııa aýmaǵynan, sondaı-aq basqa da birqatar elderden baıqaldy.

Al meteorıt qulady nemese ǵaryshtyq qoqys jerge tústi degen nusqalardy ǵalymdar tolyqtaı joqqa shyǵardy.

Eske sala keteıik, buǵan deıin Astana men birneshe oblys turǵyndary da aspandaǵy erekshe qubylystyń kýágeri bolǵan edi. Ol kezde kók júzinde jarqyraǵan nysandardyń shoǵyrlanyp qozǵalǵany baıqaldy.