Birneshe el Nıpah vırýsyna baılanysty shekaralyq qaýipsizdik sharalaryn kúsheıtti

ASTANA. KAZINFORM — Birneshe el Nıpah vırýsynyń taralýyna baılanysty Úndistannan keletin jolaýshylarǵa baqylaýdy kúsheıtti, dep habarlaıdy BBC.

Buǵan deıin QR Densaýlyq saqtaý mınıstrligi «Úndistan men Ońtústik-Shyǵys Azııanyń basqa da elderinen keletin azamattarǵa erekshe nazar aýdara otyryp», shekaradaǵy sanıtarlyq-karantındik baqylaý kúsheıtilgenin habarlaǵan.

Qyrǵyzstan men Ózbekstan bıligi de shekara beketterindegi medıtsınalyq baqylaýdy kúsheıtti.

Seısenbi kúni 24.kg aqparat agenttigi Qyrǵyzstannyń Densaýlyq saqtaý mınıstrligine silteme jasap, elde aýrýdy juqtyrý jaǵdaıy tirkelmegenin habarlady.

— Úreılenýge negiz joq. Eldiń densaýlyq saqtaý júıesi kez kelgen yqtımal epıdemıologııalyq qaýipkpe jedel den qoıýǵa daıyn, — dep habarlady Qyrǵyzstannyń Densaýlyq saqtaý mınıstrligi.

Agenttik shekaradaǵy sanıtarlyq baqylaý «ınfektsııanyń yqtımaldylyǵyn boldyrmaý úshin» kúsheıtilgenin rastady.

Shekaradaǵy baqylaýdy kúsheıtken Ózbekstan da aýrýdy juqtyrmaǵanyn habarlady. Olar «bul aýrýdyń bizdiń elge ený yqtımaldyǵy óte tómen» dep sendiredi.

Taıland Batys Bengalııadan reıster qabyldaıtyn úsh áýejaıda jolaýshylardy teksere bastady. Nepal Katmandý áýejaıyna kelgenderdi ǵana emes, sonymen qatar Úndistanmen shekaralas qurlyq arqyly elge kiretinderdi de tekserip jatyr.

Buǵan deıin Úndistanda Nıpah vırýsyna baılanysty shuǵyl sharalar engizilip jatqany týraly jazǵan bolatynbyz.