«Birlikke ún qosqan» respýblıkalyq etnomádenı birlestikter festıvali ótedi

Festıvaldiń basty maqsaty — etnomádenı birlestikterdiń shyǵarmashylyq áleýetin damytý, qoǵamdyq kelisim men jalpyulttyq birlikti nyǵaıtý, sondaı-aq Qazaqstan halqynyń mádenı murasyn, ulttyq dástúrleri men qundylyqtaryn keńinen nasıhattaý.

Festıval elimizdiń barlyq óńirinde eki kezeń boıynsha uıymdastyrylady. Alǵashqy kezeńde oblystarda, sondaı-aq Astana, Almaty jáne Shymkent qalalarynda óńirlik irikteý baıqaýlary ótkizilip, úzdik shyǵarmashylyq ujymdar men jeke oryndaýshylar anyqtalady. Jeńimpazdar respýblıkalyq kezeńge joldama alyp, qazan aıynda Astana qalasynda ótetin qorytyndy Gala-kontsertke qatysady.

Festıvalge etnomádenı birlestikterdiń ókilderi, halyq ónerin nasıhattap júrgen shyǵarmashylyq ujymdar men jeke oryndaýshylar shaqyrylady. Baıqaý bes nomınatsııa boıynsha ótkiziledi: «Úzdik shyǵarmashylyq ujym», «Úzdik aspaptyq shyǵarma», «Úzdik oryndaýshy», «Qazaq tilindegi úzdik oryndaýshy», «Úzdik hor ujymy».

Festıval Qazaqstandaǵy etnomádenı birlestikterdiń úzdik shyǵarmashylyq jetistikterin tanystyrýǵa, óńiraralyq mádenı yntymaqtastyqty damytýǵa, tájirıbe almasýǵa jáne jas talanttardy qoldaýǵa múmkindik beredi.

Qorytyndy Gala-kontsert Respýblıka kúnine arnalǵan merekelik is-sharalar aıasynda ótedi. 

Aıta ketelik Qazaqstandyqtardyń 93 paıyzy eldegi etnosaralyq ahýaldy oń baǵalaıdy.