Birlesken operatsııa: TMD elderinde 286 qylmysker ustaldy
ASTANA. KAZINFORM – 15-16 qazan aralyǵynda TMD elderiniń aýmaǵynda qylmyskerlerdi anyqtaý jáne ustaý maqsatynda «Іzdestirý» jedel-profılaktıkalyq is-sharasy ótkizildi. Bul týraly ІІM baspasóz qyzmeti habarlady.
— Qazaqstanǵa birlesken izdestirý sharalaryn júrgizý úshin Reseı Federatsııasy Іshki ister mınıstrliginiń izdestirý toby keldi. Óz kezeginde Shyǵys Qazaqstan, Qaraǵandy, Pavlodar jáne Soltústik Qazaqstan oblystary polıtsııa departamentteriniń jedel toptary Reseıge baryp, uqsas is-sharalar ótkizdi. Jalpy eki kún ishinde 286 qylmysker ustaldy. Sonymen birge 55 habar-osharsyz ketken adam, onyń ishinde segiz kámeletke tolmaǵan bala tabyldy, — dedi ІІM krımınaldyq polıtsııa departamentiniń bastyǵy Qanat Nurmaǵambetov.
Aıta ketelik urlyqtan ınternet-alaıaqtyqqa deıin: ІІM alqa otyrysynda qaýipsizdik máseleleri talqylanǵan edi.