Birikken jer qoınaýyn paıdalaný platformasy quryldy – 22 memlekettik qyzmet avtomattandyryldy
ASTANA. KAZINFORM — Premer-mınıstr Oljas Bektenov taý-ken metallýrgııa salasyn damytýdyń mańyzdy quraldarynyń biri tsıfrlyq transformatsııalaý ekenin atap ótti. Bul týraly Úkimettiń baspasóz qyzmeti málim etti.
Oljas Bektenovtiń aıtýynsha, jasandy ıntellektini geologııalyq barlaý úderisterine engizý elimizdiń mıneraldyq-shıkizattyq bazasyn ıgerý tıimdiligin arttyryp, jańa ken oryndaryn ashý jumystaryn jedeldetedi.
— Memleket basshysy Qasym-Jomart Toqaev 2026 jyldy Tsıfrlandyrý jáne jasandy ıntellekt jyly dep jarııalady. Taý-ken metallýrgııa kesheni úshin bul óndiristik jáne geologııalyq úderisterdi basqarýdyń túbegeıli jańa modeline kóshýdi bildiredi. Tsıfrlyq tehnologııalar eńbek ónimdiligin arttyrýǵa, shyǵyndardy tómendetýge, resýrstardy tıimdi basqarýǵa jáne sheshimderdi úlken derekter negizinde qabyldaýǵa múmkindik beredi, — dep atap ótti Oljas Bektenov.
Búginde Qazaqstanda Birikken jer qoınaýyn paıdalaný platformasy quryldy, ol arqyly 22 memlekettik qyzmet kórsetiledi. Lıtsenzııa berý jáne jer qoınaýyn paıdalanýshylardyń mindettemelerin baqylaý protsesteri avtomattandyryldy. Buryn qaǵaz túrinde, magnıttik taspalarda jáne fotosýretterde saqtalǵan 4,6 mln-nan astam bastapqy geologııalyq aqparat tsıfrlandy.
— Kelesi kezeńde jasandy ıntellekt tehnologııalaryn geologııalyq barlaý, derekterdi taldaý jáne óndiristi basqarý protsesterine ıntegratsııalaý qajet. Bul elimizdiń mıneraldyq-shıkizattyq bazasyn ıgerý tıimdiligin aıtarlyqtaı arttyryp, jańa ken oryndaryn ashýdy jedeldetip, qabyldanatyn sheshimderdiń sapasyn jaqsartady, — dep atap ótti Premer-mınıstr.
Álemdik naryq Qazaqstan metaldaryna nege qyzyǵýshylyq tanytyp otyrǵanyn myna siltemeden oqyńyz.
