Birikken Ulttar Uıymynyń Qaýipsizdik keńesi Gazada atysty toqtatý týraly qarar qabyldady
ASTANA. KAZINFORM – Birikken Ulttar Uıymynyń Qaýipsizdik Keńesi alǵash ret Gaza sektorynda atysty toqtatýdy jáne kepilge alynǵan adamdardy dereý bosatýdy talap etetin qarar qabyldady. Qujatty 14 memleket qoldady, AQSh qalys qaldy.
BBC News-tiń habarlaýynsha, 25 naýryzda BUU Qaýipsizdik keńesi Gaza sektorynda «tez arada atysty toqtatýǵa» shaqyratyn qarar qabyldaǵan.
Sondaı-aq qujat barlyq kepilge alynǵan adamdardy dereý bosatýdy talap etedi. Bul - 2023 jyldyń qazan aıynda HAMAS Izraıl aýmaǵyna shabýyl jasaǵannan keıin Izraıl men HAMAS arasynda soǵys bastalǵannan beri BUU Qaýipsizdik Keńesi maquldaǵan mundaı alǵashqy shaqyrý. Buǵan deıin Qaýipsizdik keńesiniń Gazada atysty toqtatýǵa shaqyratyn qararlaryna tosqaýyl qoıǵan AQSh bul joly daýys berýden qalys qaldy, dep jazdy The Guardian.
Qabyldanǵan rezolıýtsııany keńestiń turaqty emes 10 múshesi jazyp, Mozambık ókili usynǵan. Qaýipsizdik keńesiniń 14 múshesi qujatqa daýys berdi.
– Qaýipsizdik keńesi jaqynda ǵana Gaza sektory boıynsha kópten kútken qarardy maquldap, tez arada atysty toqtatýdy jáne barlyq kepilge alynǵandardy dereý ári sózsiz bosatýdy talap etti. Bul qaýly mindetti túrde oryndalýy kerek, - dep jazdy BUU basshysy Antonıý Gýterrısh.
The Security Council just approved a long-awaited resolution on Gaza, demanding an immediate ceasefire, and the immediate and unconditional release of all hostages.
— António Guterres (@antonioguterres) March 25, 2024
This resolution must be implemented. Failure would be unforgivable.
