Birikken Ulttar Uıymynyń abyroı-bedeli úlken toqyraýǵa ushyrady - Toqaev
ASTANA. KAZINFORM – Halyqaralyq quqyqtyń qundylyǵy tómendep ketti. Bul týraly Qazaqstan halqyna Joldaýyn jarııalaý kezinde Prezıdent Qasym-Jomart málim etti.
- Qazirgi tańda álem elderi arasynda aqylǵa qonymsyz jalǵan aıyptaýlar, astyrtyn teketirester kúsheıdi, al alpaýyt, yqpaldy memleketterdiń arasynda jappaı ózara senim daǵdarysy paıda boldy. Baqylaýsyz, júıesiz kóshi-qon aǵyndary áldeqaıda kóbeıdi, bul birneshe eýropalyq eldiń qaýipsizdigine úlken zııan keltirgenine kózimiz jetti. Birikken Ulttar Uıymynyń abyroı-bedeli úlken toqyraýǵa ushyrady, - dedi Qasym-Jomart Toqaev.
Prezıdenttiń aıtýynsha, halyqaralyq quqyqtyń qundylyǵy tómendep ketti.
- Qysqasy, qazirgi álem bulyńǵyr dáýirge aıaq basty, onyń keleshegi qandaı bolatyny týraly saıasatkerler men sarapshylar arasynda birtutas pikir joq. Kúlli álem jurtshylyǵy alasapyran kezeńde ómir súrip jatyr desek, artyq bolmas. Mundaı kúrdeli, boljamsyz ahýal «qyrǵı-qabaq soǵys» kezinde de bolmaǵan edi, - dedi Memleket basshysy.
Buǵan deıin Prezıdent Qasym-Jomart Toqaev Quryltaı otyrysynda «Jańa tarıhı kezeńdegi Qazaqstannyń ózekti mindetteri» atty Joldaýyn jarııalap jatqanyn jazǵan edik.
