Birikken Ulttar Uıymy Bas hatshysy Taıaý Shyǵystaǵy áskerı shıelenisti aıyptady
ASTANA. KAZINFORM — Antonıý Gýterrısh Amerıka Qurama Shtattary men Izraıldiń Iranǵa qarsy kúsh qoldanýy jáne Irannyń aımaqtaǵy jaýap qadamdary halyqaralyq beıbitshilik pen qaýipsizdikke nuqsan keltiretinin málimdedi, dep habarlaıdy Azertadj.
- Barlyq múshe memleket halyqaralyq quqyq boıynsha, sonyń ishinde Birikken Ulttar Uıymynyń Jarǵysy aıasyndaǵy mindettemelerin saqtaýy tıis. Jarǵy kez kelgen memlekettiń aýmaqtyq tutastyǵy men saıası táýelsizdigine qarsy kúsh qoldanýdy nemese kúsh qoldanamyn dep qoqan-loqqy jasaýdy, sondaı-aq Uıymnyń maqsattaryna qaıshy keletin ózge de kúsh qoldanýdy ashyq túrde tyıym salady. Men áskerı is-qımyldardy dereý toqtatýǵa jáne shıelenisti báseńdetýge shaqyramyn. Bul talap oryndalmasa, óńirlik qaqtyǵystyń ulǵaıý qaýpi bar, onyń saldary beıbit turǵyndar men aımaq turaqtylyǵy úshin aýyr bolýy múmkin. Barlyq tarapty shuǵyl túrde kelissózder ústeline oralýǵa shaqyramyn, — dedi Bas hatshy.
Ol daýlardy halyqaralyq quqyqqa, sonyń ishinde Birikken Ulttar Uıymynyń Jarǵysyna tolyq sáıkes beıbit jolmen sheshýdiń balamasy joq ekenin atap ótti.
Aıta ketelik Izraıl Iranǵa soqqy jasady.