Birikken Arab Ámirlikterine tıesili kompanııa Qonaevta qant zaýytyn salmaq

ASTANA. KAZINFORM –  Almaty oblysy aýqymdy ınvestıtsııalyq jobanyń alańyna aınalýy múmkin. Álemdegi qant ındýstrııasynyń kóshbasshylarynyń biri — Birikken Arab Ámirlikteriniń Al Khaleej Sugar kompanııasy Qonaev qalasyna jaqyn jerde qant zaýytyn salý múmkindigin qarastyryp jatyr.

QR Aýyl sharýashylyǵy mınıstrligi baspasóz qyzmetiniń málimetinshe, yntymaqtastyq perspektıvalary Almaty oblysynyń ákimi Marat Sultanǵazıev pen kompanııanyń basqarýshy dırektory sheıh Djamal Ál Ǵýraır arasyndaǵy kezdesýde talqylandy. Taraptar negizgi máselelerdi — jer ýchaskesin tańdaý, qant qyzylshasyna arnalǵan egis alqaptaryn uıymdastyrý, sý resýrstaryna qol jetkizý jáne zaýytty energııamen qamtamasyz etý jaıyn talqylady.

Qazir jobany júzege asyrý úshin eń qolaıly oryn retinde Qonaev qalasyna jaqyn ornalasqan aýmaq logıstıkalyq yńǵaılylyǵynyń arqasynda tańdalyp otyr.

— Biz qaıta jańartylatyn energııa kózderin paıdalana otyryp, tolyqtaı avtonomdy kásiporyn qurǵymyz keledi. Bul qorshaǵan ortaǵa áserdi barynsha azaıtýǵa múmkindik beredi, — dep atap ótti sheıh Djamal Ál Ǵýraır.

Al Khaleej Sugar — álemdegi eń iri avtonomdy qant zaýyty, jahandyq tazartylǵan qant naryǵynyń shamamen 3%-yn qamtamasyz etedi.

Kompanııa óndiristen bastap qurylys pen jyljymaıtyn múlikke deıingi túrli salalarda tabysty jobalarymen tanymal.

Buǵan deıin Jambyl oblysynda qant zaýyty salynatynyn jazǵan edik.