Birikken Arab Ámirlikterinde tanymal fýtbolshy qamaýǵa alyndy

ASTANA. KAZINFORM – Dýbaıda Nıderland bıliginiń ótinishi boıynsha máskeýlik «Spartak» fýtbol klýbynyń fýtbolshysy Kvınsı Promes qamaýǵa alyndy. Bul týraly VVS jazdy. 

Nıderland bıligi fýtbolshyny ekstradıtsııalaýdy talap etip otyr. Óıtkeni sportshy óz elinde 1,3 myń keli kokaın kontrabandasy úshin isti bolǵan.

Qazirgi ýaqytta 32 jastaǵy Promesti qamaýǵa alý týraly halyqaralyq order shyǵaryldy. Ol 6 jylǵa bas bostandyǵynan aıyrylýy múmkin. 

Reseılik jýrnalısterdiń habarlaýynsha, fýtbolshy Dýbaıdaǵy oqý-jattyǵý kezinde de tynysh júrmegen. Jol apatyna ushyrap, oqıǵa ornynan qashyp ketken. 

«Aqpan aıynyń sońynda Promes jattyǵýdan keıin «Spartak» fýtbolshylarymen birge Dýbaıdan Reseıge ushatyn kezde shekarada ustaldy», - dep jazady NL Times.