Birqatar óńirde daýyldy eskertý jarııalandy

ASTANA. KAZINFORM -  Qazaqstannyń birqatar oblysynda 26 aqpanda daýyldy eskertý jarııalandy.   

Ulytaý oblysynda túnde batysynda, soltústiginde, ońtústiginde, kúndiz shyǵysynda jaýyn-shashyn (jańbyr, qar) kútiledi. Ońtústiginde azdaǵan jaýyn-shashyn, jaıaý burqasyn, kóktaıǵaq boljanady. Túnde jáne tańerteń batysynda, soltústiginde, ortalyǵynda tuman túsedi. Jeldiń jyldamdyǵy soltústik, shyǵys, ońtústiginde 15-20 m/s jetedi. 

Qaraǵandy oblysynda túnde batysynda, kúndiz soltústiginde, shyǵysynda, ońtústiginde jaýyn-shashyn (jańbyr, qar), kóktaıǵaq, burqasyn bolady. Túnde jáne tańerteń batysynda tuman bolady. Jeldiń jyldamdyǵy 15-20 m/s, ońtústiginde keı jerlerde 23 m/s deıin jetedi. 

Tarazda jańbyr aralas qar jaýady. Tuman, kóktaıǵaq kútiledi. Jeldiń jyldamdyǵy túnde jáne tańerteń 15-20 m/s, keıde 25 m/s jetedi.

Almatyda kúndiz jaýyn-shashyn (jańbyr, qar), keı jerlerde nóser bolýy yqtımal. Kóktaıǵaq bolady. Keshke tuman basady. Jeldiń jyldamdyǵy 15 m/s. Qonaevta jańbyr, qar, kóktaıǵaq boljanady. Jel 18-23 m/s deıin kúsheıedi.

Mańǵystaý oblysynda qar jaýyp, kóktaıǵaq bolady. Ońtústik-shyǵysynda keı jerlerde qar jaýyp, burqasyn bolady. Batysynda jáne ortalyǵynda tuman kútiledi. Jeldiń jyldamdyǵy 15-20 m/s deıin jetedi. 

Qostanaı oblysynda qar jaýady. Batysynda, ońtústiginde burqasyn bolady. Ońtústiginde jáne shyǵysynda kóktaıǵaq, tuman bolady. Jeldiń jyldamdyǵy 15-20 m/s. 

Astana jańbyr aralas qar jaýady, kóktaıǵaq kútiledi. Keı ýaqytta tuman túsedi. Kúndiz burqasyn bolýy yqtımal. Jeldiń ekpini 15-20 m/s deıin kúsheıedi.

Qyzylorda oblysynda túnde soltústiginde, shyǵysynda, ortalyǵynda jańbyr, qar jaýady, burqasyn kútiledi. Tuman, kóktaıǵaq bolady. Jeldiń jyldamdyǵy 15-20 m/s deıin jetedi. 

Soltústik Qazaqstan oblysynda kúndiz batysynda, ońtústiginde qar jaýyp, kóktaıǵaq, burqasyn bolady. Batysynda, soltústiginde, ońtústiginde tuman bolady. Jeldiń jyldamdyǵy 15-20 m/s, keı jerlerde 23-28 m/s deıin jetedi. 

26 aqpanda túnde Aqtóbe oblysynyń soltústik-shyǵysynda qatty qar kútiledi. Túnde jáne tańerteń oblystyń batysynda tuman kútiledi.

26 aqpanda kúndiz Pavlodar oblysynyń batysynda, ońtústiginde jaýyn-shashyn (jańbyr, qar), jaıaý burqasyn, kóktaıǵaq kútiledi. Ońtústik-batystan jel soǵady, kúndiz oblystyń batysynda, ońtústiginde ekpini 15-20 m/s kútiledi.

Taldyqorǵan qalasynda 26 aqpanda túnde jáne tańerteń keı ýaqyttarda tuman kútiledi. Ońtústik-shyǵystan jel soǵady, kúndiz ekpini 15-20 m/s jetedi.

26 aqpanda Batys Qazaqstan oblysynda qar, jaıaý burqasyn kútiledi. Túnde jáne tańerteń oblystyń soltústiginde tuman túsedi. Soltústikten, soltústik-shyǵystan jel soǵady, kúndiz oblystyń batysynda ekpini 15-20 m/s. 

26 aqpanda túnde Aqmola oblysynyń batysynda, ońtústiginde, shyǵysynda jaýyn-shashyn (jańbyr, qar), jaıaý burqasyn, kóktaıǵaq kútiledi, kúndiz jaýyn-shashyn (jańbyr, qar), jaıaý burqasyn, kóktaıǵaq kútiledi. Oblystyń batysynda, soltústiginde, ońtústiginde tuman túsedi. Ońtústik-shyǵystan soǵatyn jel ońtústik-batysqa aýysady, kúndiz 15-20 m/s, oblystyń batysynda, ońtústiginde, shyǵysynda ekpini 23-28 m/s kútiledi. 

26 aqpanda túnde jáne tańerteń Shyǵys Qazaqstan oblysynyń soltústiginde tuman kútiledi. Ońtústik-shyǵystan soǵatyn jel ońtústik-batysqa aýysady, kúndiz oblystyń ońtústiginde 15-18 m/s. 

26 aqpanda túnde jáne tańerteń Abaı oblysynyń soltústiginde tuman kútiledi. Ońtústik-shyǵystan soǵatyn jel ońtústik-batysqa aýysady, oblystyń ońtústiginde, ortalyǵynda 15-20, kúndiz ekpini 23 m/s.

26 aqpanda Atyraý oblysynda qar kútiledi. Oblystyń batysynda, soltústiginde jaıaý burqasyn.