Birqatar óńirde daýyldy eskertý jarııalandy
ASTANA. KAZINFORM - Qazaqstannyń birqatar oblysynda 1 naýryzda daýyldy eskertý jarııalandy.
Astanada erteń kún raıy tumandy bolady.
Abaı oblysynyń soltústiginde, ońtústiginde jáne ortalyǵynda tuman bolady.
Aqmola oblysynyń batysynda, soltústiginde jáne ońtústiginde tuman túsedi.
Aqtóbe oblysynyń ortalyǵynda jáne ońtústiginde qar jaýyp, burqasyn bolady. Soltústik-shyǵystan jáne shyǵystan soqqan jeldiń jyldamdyǵy ortalyq pen ońtústikte sekýndyna 15-20 metrge jetedi.
Atyraý oblysynyń batysynda, ońtústiginde jáne shyǵysynda túnde, al ońtústigi men shyǵysynda kúndiz qar jaýady. Oblystyń shyǵysy men ońtústiginde burqasyn bolady. Túnde jáne tańerteń ońtústikte tuman túsedi.
Shyǵys Qazaqstan oblysynyń soltústiginde, shyǵysynda jáne ońtústiginde tuman kútiledi.
Jambyl oblysynyń taýly aýdandarynda túnde qar jaýyp, kóktaıǵaq bolady jáne burqasyn soǵady. Oblystyń soltústiginde, ońtústiginde jáne taýly aýdandarynda tuman túsedi. Taýly aýdandarda ońtústik-shyǵystan soqqan jeldiń jyldamdyǵy sekýndyna 15-20 metrge jetedi.
Jetisý oblysynyń ortalyǵynda jáne taýly aýdandarynda túnde jáne tańerteń tuman túsedi.
Batys Qazaqstan oblysynyń batysynda jáne soltústiginde tuman túsedi.
Qaraǵandy oblysynyń batysynda, soltústiginde jáne ońtústiginde tuman bolady.
Qostanaı oblysynyń batysynda jáne shyǵysynda tuman bolady.
Qyzylorda oblysynyń soltústiginde, ońtústiginde jáne ortalyǵynda kóktaıǵaq bolyp, tuman bolady.
Mańǵystaý oblysynyń batysynda, soltústiginde jáne ortalyǵynda qar jaýyp, kóktaıǵaq bolyp, burqasyn soǵady. Oblystyń shyǵysy men ortalyǵynda tuman bolady. Túnde oblystyń batysynda soltústik-batystan soqqan jeldiń ekpini sekýndyna 15-20 metrge jetedi.
Pavlodar oblysynyń ońtústiginde túnde jáne tańerteń tuman kútiledi.
Soltústik Qazaqstan oblysynyń soltústiginde jáne shyǵysynda burqasyn bolady. Oblystyń batysy men ońtústiginde tuman kútiledi. Soltústik, batys jáne ońtústikte kúndiz ońtústik-batystan jáne batystan soqqan jeldiń ekpini sekýndyna 15-20 metrge jetedi.
Túrkistan oblysynyń batysynda, ońtústigin jáne taýly aýdandaryn tuman basady.
Ulytaý oblysynyń batysynda túnde qar jaýyp, burqasyn soǵyp, kóktaıǵaq bolady.
Aıta ketelik naýryzdyń basynda qar jaýyp, boran soǵady.