Birqatar medıtsınalyq anyqtama endi eGov arqyly beriledi – vıtse mınıstr

ASTANA. KAZINFORM – Elimizde birqatar medıtsınalyq anyqtama men qujat tsıfrlyq formatqa aýystyryldy. Bul týraly QR Densaýlyq saqtaý vıtse-mınıstri Erbol Ospanov málimdedi.

— Qazir 5 qujat tsıfrlyq formatqa aýystyryldy. Osy jyly taǵy 3-eýi aýysady. Atap aıtqanda júrgizýshilerge arnalǵan 073/ý anyqtamasy, jumysqa ornalasqanda talap etiletin 075/ý anyqtamasy, balalardyń densaýlyq pasporty, jumysshylarǵa arnalǵan jeke medıtsınalyq kitapshalardy elektrondyq formatqa aýystyrdyq. Olardy eGov arqyly alýǵa bolady, - dedi ol OKQ alańynda.

Vıtse-mınıstrdiń aıtýynsha, bul bastama zańsyz anyqtamalar aınalymyn azaıtýǵa yqpal etedi. Sondaı-aq, emhanaǵa barý qajettiligin joıyp, adamdardyń ýaqytyn únemdeıdi.

Aıta keteıik, buǵan deıin jańa tsıfrlyq qujatty eGov Mobile mobıldi qosymshasynan alýǵa bolatyny jazǵan edik.