Birqatar elde Telegram-daǵy aqaýlar týraly habarlanyp jatyr

ASTANA. KAZINFORM — Birqatar elde Telegram messendjeriniń jumysyndaǵy aqaýlar týraly habarlanyp jatyr. Muny monıtorıng júrgizetin eki túrli qyzmetiniń derekteri de dáleldedi. 

Detector404 aqparatyna qaraǵanda, táýlik ishinde Qazaqstanda messendjer jumysyna shaǵymdar kóbeıgen. 

Kestege sáıkes, Astana ýaqyty boıynsha saǵat 15:00 shamasynda shaǵymdar sany kúrt ósip, shamamen 130 habarlamaǵa jetti.

Sońǵy bir saǵat ishinde problemalar týraly eń kóp habarlama Almatydan kelip tústi, ıaǵnı ótinishterdiń shamamen 17 paıyzy tıesili. Budan keıin Qaraǵandy oblysy (13%), Astana (11%), Pavlodar oblysy (10%) jáne Qostanaı oblysy (9%) tur.

Turǵyndar negizinen servıske qol jetkizý jáne habarlama jiberý problemasyna qatysty shaǵym aıtyp jatyr.

Telegram jumysyndaǵy problemalar týraly basqa elderde de baıqalyp otyr. Downdetector qyzmetiniń habarlaýynsha, shaǵymdar Ýkraına, AQSh, Frantsııa, Ózbekstan, Serbııa jáne Chehııadan kelip túsken. 

Ázirge, aqaýlardyń yqtımal sebepteri týraly Telegram-nan resmı túsinikteme bolǵan joq.

Aıta keteıik, byltyr jeltoqsan aıynda álem boıynsha paıdalanýshylar YouTube qyzmetindegi aqaýǵa shaǵymdanǵan edi.