Birqatar avtojol qozǵalysy shektelgenine baılanysty ulttyq tasymaldaýshy shuǵyl sheshim qabyldady
ASTANA. KAZINFORM — Ulttyq tasymaldaýshy aýa raıynyń qolaısyzdyǵyna baılanysty shamamen 200 jolaýshyny poıyzdarmen tasymaldaıdy. Bul týraly «Jolaýshylar tasymaly» AQ baspasóz qyzmeti málim etti.
Aýa raıynyń qolaısyzdyǵynan Astana–Qaraǵandy jáne Astana–Pavlodar baǵyttaryndaǵy tas joldardyń ýaqytsha jabylýyna baılanysty, Ulttyq tasymaldaýshy kóliktik qoljetimdilikti qamtamasyz etý maqsatynda shuǵyl sharalardy iske asyrdy. Bul sharalar shamamen 200 jolaýshyny poıyzdarmen tasymaldaýǵa múmkindik beredi.
2025 jyldyń 3 qańtarynda kelesi stantsııalardan jolaýshylardy otyrǵyzý uıymdastyrylady:
Sarybel stantsııasynan (Qaraǵandy men Astana qalalaryna tasymaldaý):
• №327 «Qaraǵandy – Qostanaı» • №43 «Almaty – Qostanaı» • №121 «Semeı – Astana» • №45 «Túrkistan – Pavlodar» • №44 «Qostanaı – Almaty» • №6858 «Astana – Qaraǵandy» • №7556 «Astana – Qaraǵandy» • №108 «Astana – Jezqazǵan» • №145 «Qaraǵandy – Omby»
Pavlodar jáne Ereımentaý stantsııalarynan (Astana qalasyna tasymaldaý):
•№7501 «Pavlodar – Astana» •№7509 «Pavlodar – Astana» •№139 «Pavlodar – Presnogorkovskaıa» Ulttyq tasymaldaýshy aýa raıynyń qolaısyz jaǵdaılarynda jolaýshylardyń tasymalyn erekshe baqylaýda ustaıdy. Barlyq azamattardy óz qaýipsizdigin qamtamasyz etip, alys saparlardan bas tartýǵa shaqyramyz.
Aýa raıynyń qolaısyzdyǵyna baılanysty birneshe oblysta jol qozǵalysy shektelgenin jazǵan bolatynbyz.