Brıtnı Spırstiń ánderi qaraqshylardy úrkitýdiń quralyna aınaldy
ASTANA. 31 qazan. QazAqparat - Ulybrıtanııanyń Áskerı-teńiz floty Brıtnı Spırstiń ánderin somalılik pırattardy úrkitýge paıdalanady.
Bul týraly The Mirror basylymy habarlady dep jazady Newsru.com portaly.
Aǵylshyn áskerıleriniń qupııasyn saýda flotynyń 34 jastaǵy ofıtseri Reıchel Oýens jarııa etti. Onyń aıtýynsha, Afrıkanyń shyǵys jaǵalaýynda qaraqshylardy úrkitý úshin amerıkalyq ánshiniń ataqty «Baby One More Time» jáne «Oops! I Did It Again» hıtteri qoldanylyp júr.
«Tájirıbe bul ádistiń pırattardy sabasyna túsirýde óte tıimdi ekenin kórsetip otyr. Batys mýzykasyna degen jekkórinish olardy jaǵalaýdan aýlaq ketýge májbúrleıdi», - deıdi Oýens. Aǵylshyn jáne amerıkan kúsh qurylymdarynda mýzykany búlikshilerdi basýǵa qoldaný tájirıbesi bary aragidik aıtylyp qalady. Al bes jyl buryn Gýantanamo tutqyndary túrme qyzmetkerleriniń ózderin rok-mýzykany tyńdatyp qoıyp, azaptaǵanyn aıtqan edi, dep jazady «Alash aınasy» basylymy.
