British Petroleum Qazaqstannyń munaı-gaz jobalaryna qatysýdan nelikten bas tartty
«British Petroleum-nyń Qazaqstannan ketkenine biraz ýaqyt boldy. Ózderińizde biletindeı, 2009 jyly British Petroleum Qarashyǵanaq pen Kaspıı qubyr konsortsıýmy jobalarynan shyǵyp ketken bolatyn. Bul sol kezdegi strategııa baılanysty edi», - dedi ol onlaın brıfıng barysynda BAQ ókilderiniń saýalyna oraı. .
Onyń atap ótýinshe, 2019 jyly atalǵan kompanııa Qazaqstannyń munaı-gaz jobalaryna kirýge nıetti ekendigin bildirgen. «QazMunaıGaz» menedjmenti de mundaı transulttyq kompanııanyń elimizge kelýi Qazaqstannyń barlyq munaı-gaz salasyna oń yqpal etetin bolǵandyqtan yntymaqtastyqty jandandyrý múmkindikterin qarastyrǵan. Osyǵan baılanysty eki kompanııa arasynda yqtymaqtastyq pen ózara túsinistik týraly memorandým rásimdelgen.
«2019 jyldyń mamyrynda kompanııa qurlyqtaǵy jáne teńizdegi munaı-gaz jobalaryna kirý múmkindikterin qarastyrdy. Alaıda, ol qandaı da bir jobaǵa kirgen joq. Bul tek qarastyrý kezeńi bolatyn. Taıaýda munaı baǵasynyń ózgerýine, koronavırýs pandemııasyna baılanysty atalǵan kompanııanyń jospary ózgerdi jáne keshirim surap hat jazdy. Onda taıaý ýaqytta Qazaqstandaǵy jobalar qarastyrylmaıtyndyǵy aıtylǵan», - dedi Dáýren Qarabaev.
