British Council men QAA bastamasymen joǵary bilim sapasyna ortaq standarttar ázirlenbek
ASTANA. KAZINFORM — Bul týraly astanada ótip jatqan Bilim berý sapasyn qamtamasyz etý jónindegi X Ortalyq Azııa halyqaralyq forýmynda Ǵylym jáne joǵary bilim vıtse-mınıstri Talǵat Eshenqulov aıtty.
Vıtse-mınıstr Qazaqstanda sheteldik ýnıversıtetter men birlesken bilim berý baǵdarlamalary kóbeıip kele jatqanyn atap ótti. Onyń sózinshe, mundaı baǵdarlamalardyń sapasyna ortaq talaptar qajet.
— British Council men QAA bastamasymen Qazaqstandaǵy joǵary bilim sapasyn qamtamasyz etýdiń negizgi standarttaryn ázirleıtin jumys tobyn qurý josparlanyp otyr. Alǵashqy nátıjelerdi 2027 jyly qańtarda ótetin Ǵylym jáne joǵary bilim salasyndaǵy sapany qamtamasyz etý komıtetiniń forýmynda kóremiz dep josparlap otyrmyz, — dedi Talǵat Eshenqulov.
Aıta keteıik, qazirgi tańda Qazaqstanda 32 sheteldik joǵary oqý orny túrli formatta jumys istep jatyr.
