British Airways jolaýshylardy ushaqqa tólqujatsyz mingizedi
ASTANA. QazAqparat - Brıtandyq British Airways avıakompanııasy ushaqqa otyrar aldynda jolaýshylardan tólqujat talap etpeıtin bolady, jolaýshylardyń kim ekenin anyqtaý úshin bıometrıkalyq sáıkestendirý júıesin paıdalanbaq, dep habarlady TASS.
The Daily Telegraph basylymynyń aqparatyna sáıkes, arnaıy jabdyq londondyq Hıtroý áýejaıynyń 5 termınalynda úsh jerde ornatylǵan. Kelesi aıda osyndaı qurylǵy 33 jerde ornatylatyn bolady. Bul jańa qurylǵy aldymen ishki reıs jolaýshylary úshin qoljetimdi bolady. Sodan keıin halyqaralyq ushyrylymdarda da paıdalanylmaq. Mundaı júıe jolaýshylardy otyrǵyzý kezinde ýaqytty qysqartady jáne qatelesýge jol bermeýge múmkindik beredi dep kútilýde.
Budan buryn British Airways basqa avıakompanııalarmen birge Ulybrıtanııa bıligi engizgen elektrondyq qurylǵyny (uzyndyǵy 16 sm asady, eni men qalyńdyǵy 9,3 sm jáne tıisinshe 1,5 sm) Túrkııadan, Lıvannan, Iordanııa, Mysyr, Týnıs, Saýd Arabııasynan Birikken Koroldikke ushatyn ushaqtar bortynda tasymaldaýǵa tyıymdy saqtaýǵa nıetti ekeni belgili bolǵan.
Ulybrıtanııaǵa deıin mundaı shara AQSh-ta engizildi.
