Brıtanııanyń qalalyq májilisi Quran oqýmen bastaldy
ASTANA. 26 aqpan. QazAqparat - Brıtanııalyq Braıton qalasynda «qalalyq keńes májilisin bastamas buryn Quran oqýdyń qajeti bar ma, joq pa?» degen másele qyzý pikirtalasqa ulasty.
Braıton qalasynyń meri qalalyq keńes májilisine musylmandardyń jetekshisin shaqyryp, jıyndy Quranmen bastaǵan kórinedi. Ákimniń bul parasattylyǵy keıbir jıyn ókilderiniń «qytyǵyna» tıse kerek. Ulybrıtanııada jáne keıbir elderde qandaı májilis bolmasyn, dinbasylaryn shaqyryp, duǵa oqytatyn dástúr qalyptasqanyn aıta ketý kerek. Bul týraly muslim.kz saıty jazady.
«Men Sammers pen ózge de keńesshilerdiń jónsiz qylyǵyna qynjylamyn», - dedi Braıton shaharynyń meri Bıll Rendall «Muslim News»-ke bergen suhbatynda. «Braıton end Hoýv san alýandyǵymen erekshelenedi. Mer retinde men qalanyń osy ereksheligin nazarǵa alyp, shahardaǵy dinderdiń arasyn jaqyndastyrýym kerek», - depti ákim.
«Quran oqý májiliske qatysty rásimge jatpaıdy. Keńes quramynda birde-bir musylman nemese arab tilinde sóıleıtin adam joq», - dep málimdedi Krıstına Sammers.
Alaıda, mer keńes quramynda musylmannyń bar-joǵynan buryn Braıtondaǵy musylmandar jamaǵatynyń baryna nazar aýdaryp otyrǵanyn aıtty.
