Brıtanııanyń iri mobıldik operatoryna 1 mln. fýnt aıyppul salyndy
ASTANA. QazAqparat - Ulybrıtanııanyń iri mobıldik baılanys operatory EE kompanııasyna klıentterden shaǵym qabyldaý qaǵıdasyn buzǵany úshin 1 mıllıon fýnt (1,5 mln. dollarǵa jýyq) aıyppul salyndy.
Brıtandyq Ofcom retteýshisi ókiliniń aıtýynsha, operator keıbir klıentterin eger olar kompanııa qyzmetterine rıza bolmasa, úshinshi ınstantsııaǵa júginýge quqyqtary bar ekenin habardar etpegen.
Ulybrıtanııadaǵy qoldanystaǵy qaǵıdalar boıynsha operator klıentterge jazbasha osyndaı múmkindik bar ekenin habarlaýy tıis-tin. EE 2011-2014 jyldar aralyǵynda bulaı jasamaǵan.
Brıtandyq uıaly baılanys kompanııalarynyń barlyq klıentteri ADR (Alternative Dispute Resolution) baǵdarlamasynyń aıasynda óz operatorlaryna tegin shaǵym bildirýge quqyqtary bar.
