Brıtanııanyń Eýropalyq Odaqtan shyǵýyn 2019 jylǵa qaldyrýy múmkin
ASTANA. QazAqparat - Brıtanııanyń Eýropalyq Odaqtan shyǵýy 2019 jyldyń sońyna qaldyrylýy múmkin, sebebi bul úderiske jaýapty mekeme daıyndalyp úlgermeıdi. Bul jóninde The Sunday Times gazetine silteme jasap, TASS agenttigi habarlady.
Ázirge Eýropa odaǵyna múshe eldiń odaqtan shyǵý mehanızmin qarastyratyn Lıssabon kelisiminiń 50 babyn qoldaný týraly kelissózder júrgizý 2017 jylǵa josparlanǵan.
«Saıası qysymǵa qaramastan, Eýropa odaǵynan jáne halyqaralyq saýdadan shyǵýmen aınalysatyn mekeme daıyn bolmaǵandyqtan, oǵan (premer- mınıstr Tereza Meıge) úderistiń bastalýyn keıinge qaldyrýǵa týra keledi», - dep jazdy The Sunday Times gazeti.
Buǵan deıin eldiń odaqtan shyǵý rásimi 2019 jyldyń basynda aıaqtalady dep boljanǵan edi.
23 maýsymda bolǵan referendýmde brıtandyqtardyń kópshiligi Ulbrıtanııanyń Eýropa odaǵynan shyǵýyn qoldap daýys berdi. Shyǵý rásimi eki jylǵa sozylýy múmkin dep boljanǵan.
