Brıtanııanyń Brexit-ke baılanysty shyǵyny $170 mıllıardqa jetti
NUR-SULTAN. QazAqparat – Ulybrıtanııanyń Eýroodaqtan shyǵýyna baılanysty ekonomıkalyq shyǵyny 170 mlrd dollarǵa jetti. Buǵan Bloomberg Economics zertteýi dálel bolyp otyr, dep habarlaıdy QazAqparat.
«Brexit-tegi ekonomıkalyq shyǵyndar 130 mlrd fýntqa jetti (170 mlrd dollar). Osy jyldyń sońynda taǵy 70 mlrd fýnt qosylady dep josparlanýda», - delingen habarlamada.
Bloomberg boljamy boıynsha, Ulybrıtanııanyń Brexit-ten ekonomıkalyq zalaly 265 mlrd dollarǵa jetedi.
Eske salaıyq, qańtarda Ulybrıtanııa parlament qaýymy palatasy Eýroodaqtan shyǵý týraly kelisimdi qaraýdy tolyqtaı aıaqtap, ony qoldap daýys berdi.
Endi Birikken Koroldiktiń EO-dan shyǵýy týraly zań jobasy Lordtar palatasynda daýys berýden ótýi tıis. Bul kelisim taıaý aptada zańdy kúshine enedi dep kútilýde.
