Brıtanııalyq jastardyń árbir onynshy azamaty ózin musylman sanaıdy
ASTANA. 19 mamyr. QazAqparat - 2011 jyly júrgizilgen Ulybrıtanııadaǵy halyq sanaǵy brıtandyqtardyń arasynda hrıstıandardyń qarasy azaıyp, Islamnyń keń taralyp kele jatqanyn kórsetip berdi, dep habarlaıdy muslim.kz.
«Aıtarlyqtaı ózgerister bar. Budan keıingi halyq sanaǵy myna ózgeristiń deńgeıine jete almaıdy», - dedi Oksford ýnıversıtetiniń demografııa professory Devıd Koýlman TheTelegraph-qa bergen suhbatynda.
Ótken jyly jaryq kórgen halyq sanaǵynyń alǵashqy nátıjesi kórsetkendeı, ózderin «hrıstıanbyz» dep ataǵan Anglııa men Ýels turǵyndary 4,1 mln adamǵa, ıaǵnı 10%-ǵa kemigen.
Dese de, áleýmettanýshylar statıstıkaǵa basqa qyrynan qarap, hrıstıandardyń qatary 1,2 mln adamǵa artqanyn anyqtady. Taıaý Shyǵys pen Afrıkadan kelgen ımmıgranttardyń esebinen artyp otyrǵanyn da jasyrmady. Alaıda, baıyrǵy brıtandyqtardyń arasynda hrıstıandardyń qarasy 15 paıyzǵa azaıǵan.
Anglııa men Ýels musylmandarynyń qatary 600 myń ımmıgrant musylmannyń esebinen 75 paıyzǵa deıin kúrt ósken. Osyndaı ózgeristerge baılanysty qazirgi ýaqytta 25 jastan kishi árbir onynshy brıtandyq ózin musylman sanaıdy.
Brıtandyq musylmandardyń jartysyna jýyǵy 25 jas mólsherinde, al hrıstıandardyń shıregi 65 jastan asyp ketkenin aıta ketý kerek.
