Brıtanııalyq jasóspirim drondar jarysynda 250 myń dollar utyp aldy

ASTANA. QazAqparat - Dýbaıda drondar arasynda alǵashqy álemdik Gran prı ótkizildi. Oǵan 150-den astam komanda qatysty. Bas júlde 15 jastaǵy brıtanııalyq Lıýk Bannısterge buıyrdy.

The Verge saıtynyń jazýyna qaraǵanda, mundaı sharalar ózge elderde de ótip jatyr. Alaıda BAÁ-da ótken jarys olardan aýqymdy. Týrnırdiń jalpy syılyq qory 1 mln dollar.

Qashyqtan basqarylatyn apparattar jarysyn shamamen 2 myńǵa jýyq adam baqylady. Bannıster Tornado X-Blades Banni-UK komandasynyń quramynda boldy. Olar ozǵan jergilikti Dubai Dronetek komandasy ekinshi oryndy qanaǵat tutty.

Drondar jarysy qyzyqty shara, ári ony uıymdastyrý keń tarap keledi.

Dron operatory qashyqtan basqarylatyn ushý apparatyn dıspleı ornatylǵan arnaıy shlemdi paıdalana otyryp basqarady.