Brıtanııalyq telejúrgizýshi Golovkındi reseılik fýtbolshymen shatastyryp aldy

ASTANA. QazAqparat - ITV Sport Football júrgizýshisi Sem Metterfeıs qazaqstandyq boksshy Gennadıı Golovkınniń (37-0, 33 KO) tegin fýtboldan Reseıdiń Ulttyq quramasynyń oıynshylarynyń birinikimen shatastyryp aldy, dep habarlaıdy Sports.kz.

«Alańda Golovkındi kórip otyrǵanymyzǵa rızamyz. A.Smolov-reseılikter qaýiptenetin basty oıynshy. Výd bolsa qurama sapynda oınaǵan 50 matchta 19 gol saldy. Reseı-Jańa Zelandııa matchynyń tikeleı translıatsııasy»,-dep jazdy júrgizýshi tvıtterde.

Shamasy Metterfeıs Reseı quramasynyń jartylaı qorǵaýshysy alańda 90 mınýt oınaǵan Aleksandr Golovın týraly aıtqan bolýy kerek. «GGG - ýje fýtbolshy ma?»,-dep qaljyńdady jankúıerlerdiń biri.

Bul tvıttegi Semniń qatelesken jeri tek osy ǵana emes. Ol Reseıdiń memlekettik týynyń ornyna ózge eldiń belgisin qoıyp qoıǵan.

Konfederatsııa kýbogy-2017 matchynda Reseı-Jańa Zelandııa kezdesýi 2:0 esebimen, reseılikterdiń jeńisimen aıaqtaldy. Al WBA (Super), WBC, IBF jáne IBO nusqalary boıynsha orta salmaqtaǵy álem chempıony Gennadıı Golovkınge keletin bolsaq, ol óziniń kezekti kezdesýin 16 qyrkúıekte Las-Vegasta ótkizedi. Onyń qarsylasy meksıkalyq Saýl Alvares (49-1-1, 34 KO).