Brıtanııalyq saıasattanýshy tikeleı efır kezinde óz kitabyn jep qoıdy

ASTANA. QazAqparat  - Brıtanııalyq saıasattanýshy  Mettıý Gýdvın Sky telearnasynyń tikeleı efırinde óziniń kitabyn jep qoıýǵa tyrysty.

Ol  Brıtanııadaǵy parlamenttik saılaý aldynda Twitter-de  eger Djeremı Korbınniń basshylyǵymen leıborıster 38 protsent daýys jınaıtyn bolsa, óziniń jaqynda jaryq kórgen kitabyn «súısine otyryp»  jep qoıatyndyǵyna ýáde bergen bolatyn.

Telearna júrgizýshisi sarapshynyń osy aıtqanyn keltire otyryp, «Gýdvın sózinde tura alar ma eken?»,-dep syr tartqan edi.

 Saıasattanýshy ózi qatelesken eki protsenttik  pýnkttiń tym  úlken ekendigin atap óte kele, óz ýádesin oryndady. «Men sózinde tura alatyn adammyn sondyqtan da osy jerde otyrmyn jáne  óz kitabymdy jeıtin bolamyn, al sizder jumystaryńyzdy jalǵastyra berińizder»,- dedi Gýdvın júrgizýshige qarata. Artynsha kitabynyń paraqtaryn bir-birlep jyrtyp,  aýzyna tyqpalaı bastady.

Eske sala ketsek, Ulybrıtanııada 8 maýsymda ótken merziminen buryn parlamenttik saılaýda  oppozıtsııalyq Leıborıster partııasy saılaýshylardyń 40 protsent daýsyna ıe bolǵan edi.