Brıtanııalyq dárigerler oqýshy qyzdyń mıyna jelim quıyp jibergen
ASTANA. QazAqparat - Brıtanııanyń Great Ormond Street aýrýhanasynyń qyzmetkeri shprıtsterdi shatastyryp alyp, 13 jasar oqýshy Maısha Nadjıbtiń mıyna jelim quıyp jibergen.
Inektsııa qyzdyń mıyna orny tolmaıtyn zalal ákeldi. Onyń aqyl-oı qabiletine zaqym kelip, bala múgedekter arbasyna tańyldy.
Londonnyń joǵarǵy soty medıtsınalyq mekemege Nadjıbtiń otbasyna 2,8 mln. fýnt kóleminde ótemaqy tóleýdi mindettedi. Sonymen birge, aýrýhana qyzdyń ata-anasyna balany asyraýy úshin 423 myń fýnt ótemaqy tóleýi tıis. Maısha 19-ǵa kelgende jyl saıynǵy ótemaqy 423 myń fýntqa deıin ósedi. «Qyz bala 64 jasqa deıin ómir súrýi múmkin», - deıdi dárigerler. «Onyń ómirine balta shabyldy, barlyq armandary oryndalmaıtyn boldy. Mundaı jaǵdaı endi eshqashan qaıtalanbaıdy dep úmittenemin», - dedi Maıshanyń ákesi Sadır Hýsseı Nadjıb.
