Brıtanııalyq Bredlı Ýıggıns álemdik rekord ornatty
ASTANA. QazAqparat - Tanymal veloshabandoz Bredlı Ýıggıns 1 saǵat ishinde 54,5 shaqyrym jerdi júrip ótti. Osy arqyly ol óziniń otandasy Aleks Daýsettyń buǵan deıingi rekordyn jańartty.
Al Daýsettiń kórsetkishi saǵatyna 53 shaqyrym bolǵan. Frantsııada ótken «Týr de Frans» velojarysynyń jeńimpazy Bredlı Ýıggıns álemdik rekordty Londondaǵy velodromda ornatqan, dep habarlaıdy 24.kz epochtimes.ru. saıtyna silteme jasap. Esterińizge sala ketsek, 2012 jylǵy maýsymda Bredlı Ýıggıns «Týr de Frans» saıysynda márege birinshi bolyp jetip, osy aıtýly jarysta jeńgen alǵashqy brıtanııalyq atandy.
